إبن البلد
البابا والخيبة القوية .. فى الإحتفال بعيد الضحية
صباح الخير يا أفاضل يا ناس يا طيبين ياللى شايفين المصايب وساكتين .. أنا عايز أسألكم لحد إمتى حتعيشوا سلبيين ؟؟؟، ولحد إمتى تسمعوا وتشوفوا الرياسات الدينية فى الكنيسة بترميكم تحت جزم الغير ومتتكلموش ؟؟؟ ، إسمحولى النهارده أتكلم معاكم بصراحة ، وربما فيه إللى حيزعل منى ، لكن لازم أتكلم ..طبعا حلاقى واحد يقوللى مالك شايل طاجن ستك على الصبح إيه الحكاية ؟؟ .. والحكاية يا أفاضل تبدأ من ساعة ما شيخ الأزهر طلع فتوى بتقول : لتسهيل عملية الضحية فى عيد الضحية على الشخص إللى غير قادر يشترى عجل أو خروف يقوم الأزهر بالنيابه عنه فى شراء العجل ويعمل الأزهر صقوق يشترى الإنسان منها على قد ما يقدر ، ويقوم الأزهر بتقديم الضحية بالنيابه عنه ولحد كده والموضوع عادى ، ولكن المصيبة أنه قال فى الفتوى ويجوز لغير المسلم الإشتراك فى هذه الضحايا .. وهنا ظهرت أكبر مصيبة فى تاريخ الكنيسة القبطية فبصينا لقينا أول من إشترى صقوق الضحية كان تواضروس بابا وبطريرك الكنيسة القبطية الأرثوذكسية ومن بعده لقينا السباق المجنون من الأساقفة والكهنة فى شراء صقوق الضحية بالآلاف .. وقام بعضهم بشراء عجول وأغنام لتقديمها ضحية فى عيد الضحية .. وطبعا بيغطوا خيبتهم وجريمتهم تحت إسم الوحدة الوطنية .. وحشرح لكم يا أفاضل أنا ليه بقول عليها خيبة وجريمة ومصيبة .. الموضوع إن المسلمين بيؤمنوا أن إسماعيل إبن هاجر إللى كانت خدامة عند سارة مرات إبراهيم هو إبن الموعد وهو إللى فداه الله بذبح عطيم وده إللى جه من نسله نبى الإسلام محمد .. وطبعا ده كلام غلط فإبن الموعد حسب الكتاب المقدس والإعتقاد المسيحى هو إسحق وإللى جه من نسله المسيح .. يعنى لما الحاج تواضروس يضحى فى عيد الضحية مع المسلمين يعنى بيتفق معاهم فى الإعتقاد الإسلامى الغلط وبيقول للعالم بالمفتشر إن الإسلام هو إللى صح والمسيحية هى إللى غلط ... والجريمة إللى أكبر من كده ، إحنا كمسيحيين لا نؤمن بعد المسيح بالضحايا أو الذبائح العينية مثل العجول والخرفان وخلافه من الضحايا ، لأن مسيحنا كان هو الذبيحة التى ذبحت من أجل خطايا البشرية كلها ، وكانت الذبيحة الحقيقية على الصليب ، فلما الشيخ تواضروس وفضيلة الأساقفة يقدمون ذبائح فى عيد الضحية هذا ضد الإيمان المسيحى تماما ، أى كلهم أصبحو مهرطقون ولا يستحقوا الرتب والعمم إللى على راسهم .. طبعا فى الحالة دى يبقوا مش قدموا ذبائح لا دول يبقوا ذبحوا المسيح نفسه .. أنا يا جماعة بصراحة مكسوف أقول إنى قبطى .. والمصيبة إننا نتكلم ونقول كنيسة الشهداء .. والخيبة التالته شوفوا الآلاف إللى بيصرفوها كل عيد ضحية ولما يروح ليهم حد من إخوة الرب يطلب مساعده يطردوه .. ونسيوا إن الفلوس إللى بيفرقوها من غير حساب على المسلمين فى كل عيد ضحية وتمن العربية الفاخرة إللى راكبينها وتمن سفرياته بالطائرات لؤروبا وأمريكا وخلافة من البلاد من جيب أسياده شعب الكنيسة وبعد كده يقولولوا له يا سيدنا وهو يدوس عليه بالجزمة .. أنا بصراحة كان لازم أتكلم معاكم وعلى الله تصحوا وتطالبوا بمحاكمة اللى قاعد على كرسى مار مرقس وبسرعة جدا قبل ما يكمل خرابها .. وربنا يرحم .

.عاجل .البابا يأمر الاساقفة والكهنة بشراء اضحية من اجل عيد ...

https://www.elwatannews.com/news/details/5557787#:~:text=%D8%A3%D8%B9%D9%84%D9%86%D8%AA%20%D8%B9%D8%AF%D8%AF%20%D9%85%D9%86%20%D8%A7%D9%84%D9%83%D9%86%D8%A7%D8%A6%D8%B3%20%D8%A7%D8%B4%D8%AA%D8%B1%D8%A7%D9%83%D9%87%D8%A7,%D8%A8%D9%82%D8%B1%D8%A9%C2%BB%20%D8%A3%D9%88%20%C2%AB%D9%86%D8%A7%D9%82%D8%A9%C2%BB.

هل تعلم أيها القبطى ..كم مرة صدر قرار بقتل جميع مسيحى مصر ؟
أيام هارون الرشيد : ولكن ظهرت العذراء للوالى وأخذت منه خطاب لقائد الجنود الرابض بكنيستها فى إتريب …
• أيام المعز لدين الله الفاطمى : وحدثت معجزة نقل الجبل المقطم.
• فى عهد المماليك : فى عهد البابا متاؤوس 87 قرر المماليك قتل جميع أقباط مصر وتم وضع علامات على جميع منازل الأقباط من النوبة الى الإسكندرية ، وأنقذت العذراء الشعب بظهورها لقداسة البابا متاؤس بعد صيامه 8 ايام وقالت له اغسل وجهك ، وقتل السلطان الذى يريد قتل الشعب المسيحى وحضر السلطان برقوق يقدم اعتذار لقداسة البابا.
• بعد تولى عباس باشا سلفى أصولى التدين : طلب طرد جميع المسيحيين من مصر أو قتلهم وإستدعى شيخ الأزهر الشيخ الباجورى ورفض أن يعطيه فتوى ، وقتل عباس وتولى سعيد باشا.
هل تعرف ماذا حدث فى قرارات هدم الكنائس ؟
• أيام الحاكم بأمر الله هدم 30000 (ثلاثون ألف) كنيسة فى مصر وسوريا وإلزم المسيحيين بلبس الملبس الأسود والعمامة السوداء.
• أيام المماليك فى 8 ابريل 1321 بعد صلاة الجمعة أصدروا تعليمات بهدم الكنائس فهدمت جميع الكنائس فى ساعة واحدة .
• فى عهد شيركوه وشاور هدمت اكثر من 2000 كنيسة فى شمال البلاد ووسط البلاد وتوقف الهدم عند دير وكنيسة الشهيد مار جرجس بأسيوط.
هل تعرف صيام الشعب المسيحى فى مصر بغير الصيامات الطقسية ؟
• فى عهد البابا انبا ابرام بن زرعة : وكان نتيجتها نقل جبل المقطم.
• فى عهد الرئيس السادات فى 5-9-1977 صام الشعب 5 أيام ، وكانت النتيجة الغاء قانون الردة وعدم تطبيق الشريعة الإسلامية.
هل تعرف كيف نجا قداسة البابا شنودة من الإغتيال ؟
• بعد أن رفض قداسة البابا سفر المسيحيين إلى إسرائيل قبل حل القضية الفلسطينية وصدور قرار السادات بنفى قداسة البابا شنودة إلى دير الأنبا بيشوى.
حدث فى يوم 25-9-1981 أن نيافة انبا صرابامون رئيس الدير أن رأى رؤية مفتوحة العينين بضرورة أخذ قداسة البابا إلى الكنيسة وفعلاً توجه مسرعاً وطلب من قداسة البابا ترك قلايته والذهاب معه للكنيسة وعند وصوله إلى الكنيسة نزلت دانة من صاروخ موجه على قلاية قداسة البابا وحطمتها حتى منسوب سطح الأرض وحضر أحد اللواءات إلى الدير يسأل عن الخسائر فقابله نيافة أنبا صرابامون بأن قداسة البابا بخير ونتيجة لذلك حوكم 6 لواءات وبعد أسبوع قتل السادات .
• هذا قليل من كثير …
كل آلة صورت ضدكِ لا تنجح ، وكل لسان يقوم عليكى فى القضاء تحكمين عليه.......
CPD/ يوسف القمص يعقوب