هناك فى صفحة خاصة أسمها صفحة الفهرس تفاصيل كاملة لباقى الموضوعات وصمم الموقع ليصل إلى 30000 موضوع مختلف فإذا كنت تريد أن تطلع على المزيد أو أن تعد بحثا اذهب إلى صفحة الفهرس لتطلع على ما تحب قرائته فستجد الكثير هناك

أنقر هنا على دليل صفحات الفهارس فى الموقع http://www.coptichistory.org/new_page_1994.htm

لم ننتهى من وضع كل الأبحاث التاريخية عن هذا الموضوع والمواضيع الأخرى لهذا نرجوا من السادة القراء زيارة موقعنا من حين لآخر - والسايت تراجع بالحذف والإضافة من حين لآخر - نرجوا من السادة القراء تحميل هذا الموقع على سى دى والإحتفاظ به لأننا سنرفعه من النت عندما يكتمل

Home
Up
إيرينى و كورال مارجرجس هليوبوليس
إيرينى عمود مهم
معجزات أبى سيفين وألأم إيرينى1
معجزات أبى سيفين وألأم إيرينى2
New Page 5988

كان في واحدة أرملة لها ابن وحيد ربته في مخافة الله واتخرج في كلية الهندسة وكان هيخطب وهو أمل أمه الوحيد ومات وحزنت عليه جداً وكل أب كاهن يروح يعزيها كانت ترفض العزاء وواحد قال لها لا تستسلمي وصلي هو في الفردوس وفي أحد الأيام وهي في حجرتها نظرت إلي الست العذراء تكلمها وقالت لها ياست يا عذراء إنت أم وعارفه واتألمتي وصلبوا ابنك عزيني وامتلأت الحجرة بالنور مثل القمر انقسم نصفين ونزلت منه الست العذراء قالت لها روحي دير أبي سفين للراهبات وهناك خلي أمنا ايريني تحكي ليكي حكاية أبو جلابية وطاقية عشان تعرفي يعني إيه السماء حلوة وتتعزي وحكيت لها الحكاية وتعزت وبطلت تبكي علي ابنها الوحيد. إيه هي حكاية أبو طاقية وجلابية؟!

هو راجل طيب نجار في إحدي قري قنا اسمه عم رشدي كان تقياً بسيطاً جداً بيشتغل شويه ويصلي شويه ويقرأ في الإنجيل كان أكله في الصوم الرغيف الشمسي وطعمية أو فول وفي الفطر الرغيف الشمسي وحتة جبنة وكان فقير ويعيش عيشة الجفاف لكن كان يتصدق علي الفقراء وقلبه مليان رحمة كل ما يشوف حد غلبان محتاج جلابية كان يقلع الجلابية والطاقية ويروح بهدومه الداخلية القديمة ويروح لمراته يقول لها تعالي نعمل جلابية تاني وكانت تتخانق معاه وتقول إديهم القماش بدل ماكل يوم والتاني نعمل جلابية قال أنا هساعدك أخيط معاكي شوية ونصلي شوية. وفي أحد الأيام انتقل عم رشدي إلي السماء وكلموا أهله في القري المجاورة عشان يحضروا العزاء وكفنوه واستنوا أهله عشان يحضروا وانتظروا فترة طويلة وقبل ما يقفلوا الصندوق وجدوا الأكفان تتحرك ووجدوه قام وارتعب الأهالي وقال لهم ماتخافوش أنا هقعد معاكم ثلاثة أيام فقط وبعدها هروح الفردوس تاني وقال لهم عندما خرجت روحي من جسدي شفت ملاك شكله حلو جداً وأخذني بزفة حلوة للفردوس وهناك سجدت أمام رب المجد وقال لي إنك بتعمل رحمة كثيرة وياما اديت اخواني الفقراء جلابيتك وطقيتك وكنت بسيط ونقي وقال للملائكة يعلموه ترنيمة جديدة لاقي نفسه بيسبح معاهم تسابيح عمره ما سبحها وقال ربنا للملاك خذه خليه يزور أماكن القديسين والشهداء وأمه وأبوه ثم رجع إلي رب المجد وقال له إنت يا رشدي هتنزل إلي الأرض تاني رد عليه ليه يارب خليني معاك السماء حلوة وكلها فرح وسلام قال له ثلاثة أيام فقط عشان تقول للناس يعملوا رحمة عشان أرحمهم في السماء ويعيشوا في سلام وينفذوا وصاياي عشان يتمتعوا بالمجد وفعلاً رقد بعد ثلاثة أيام.

عن أمنا ايريني: كان في واحدة في الصعيد عايزة تترهبن وكانت بنت وخالتها وهما الاتنين يحبوا بعض جداً كانوا عايزين يكبروا بسرعة عشان يترهبنوا مع بعض وكان الجيل ده بيتجوزوا عشرة حداشر سنة وضغطوا عليها عشان تتجوز وكان تبكي البنت عشان تترهبن وتبكي قدام صورة العذراء وتشكي وتقول هيجوزوني يا ست يا عدرا وأنا عايزة أترهبن فظهرت لها الست العذراء متجسدة في الصورة وقالت لها قولي لأمك أن الست العذراء بتقول ليكم إن مكنتوش ترضوا ليا أروح الدير الست العذراء حتخدني عروس لابنها يسوع رب المجد والأم قالت دي بتخرف عشان تهرب من الجواز وفعلاً قبل الإكليل بيومين البنت وقعت وانتقلت الخالة إلي السماء بدون مقدمات دون مرض وكانت صدمة علي بنت أختها وبكت عليها بمرارة وحزن وشافت عذاري كتير لابسين صلبان ألماظ وتيجان ومن ضمنهم الخالة اسمها مفيدة قالت بخاطرها لخالتها انتي مش موتي إمال ازاي أنا شيفاكي ومين دول العذاري الحلوين قالت منهم الراهبات واللي مش راهبات وانهارده عيد استشهاد القديسة دمياننة واحنا عندنا احتفال بيها وربنا سمح ليا الذهاب ليكي عشان تشوفي ازاي أنا فرحانة قالت لها خديني معاكي فقالت الخالة روحي قولي لماما واعرفي رأيها وأنا مستنياكي وقالت لأمها قالت لا أنا عوزاكي ولم توافق علي ذهابها معها وقالت لخالتها ماما مش موافقة قالت الخالة متزعليش انت هتدخلي الدير وتترهبني وهكون معاكي وراهبات كتير وربنا بعتني ليكي عشان متزعليش أنا في الفردوس والفردوس جميل جداً بوجود رب المجد.