***************************************************************

 تعليق من الموقع : أبونا فانوس من القديسين المعاصرين المصريين الذين تميزوا بالشفافية الروحية .. لقد سمعت عنه منذ حوالى ثلاثين عاماً حتى وجدته ورأيته على صفحات جريدة عالم المشاهير العدد الثامن عشر 1 مارس 2007 م فبركة لكم يا كلير كمال و مارلين شكرى لأنكم قد نقلتم وجدان الشعب القبطى بكتابة عن هذا القديس العملاق الذى أثرى حياتنا وكنيستنا فى العصر الحديث

***************************************************************

 تحت خبر بعنوان [ أبونا فانوس .. سلامتك !! ] كتب كلير كمال و مارلين شكرى جريدة عالم المشاهير العدد الثامن عشر 1 مارس 2007 م
مستشفي الحياة أصبحت قبلة الأقباط لنوال بركة صلواته
تحول جناح الام ايدين في مستشفي الحياة الي مزار مقدس خاصة بعد أن دخل الجناح الاسبوع الماضي أبونا فانوس الانبا بولا حيث كان يعاني من خشونة في الركبة مع وجود تمزق في بعض الأربطة وكان ابونا فانوس قد دخل المستشفي علي أمل اجراء جراحة في الركبة الا أن الدكتور اشرف نصيف استشاري جراحة العظام كان له رأي مخالف ان الركبة تحتاج الي علاج طبيعي فقط.
وبمجرد دخول ابونا فانوس الي مستشفي الحياة تحولت المستشفي الي كنيسة حيث جمع الاقباط من جميع انحاء مصر لنوال البركة ووقف الاقباط بالطوابير علي بوابة المستشفي وعلي باب الغرفة وهناك بلغ الصدام مداه بين الجميع الذين اخذوا في الصدام في محاولة للتسلل لنوال بركة ابونا فانوس.
يعتبر ابونا فانوس أشهر رهبان دير الانبا بولا حيث يبلغ من العمر اكثر من 75 عاما ومعروف أنه ترهب بدير الانبا بولا عام 1946 وهنا ظل في بداية رهبنته لمدة 16 عاما لا يري وجه انسان وأبونا فانوس راهب بسيط لا يحمل اية درجة كهنوتية ولكن معروف في الوسط الكنسي انه من الانباء السواح أسوة بقديس الدير الانبا بولا الذي لا تزال تلقبه الكنيسة بأول السواح.
ويتجمع الاقباط بالالاف عند قلاية ابونا فانوس لاسباب عديدة منها موهبة الروح القدس لشتاء البيض والتنبؤ بما سيحدث في المستشفي ويتردد في الاوساط الكنسية ان يده تضيء في الليل وهو ما جعله دائما يضع منديلاً اسمر فوق يديه حتي لا يري ضيوفه النور المنبعث من يديه.
ويعيش ابونا فانوس في دير الانبا بولا في قلاية بسيطة غاية في البساطة فهو لا ينام علي سرير ولكن يجلس وينام علي الارض ويتناول العيش الجاف المبلول في قليل من الماء مع بعض ثمرات الفاكهة وظل يهوي تربية القطط حيث تحيط بغرفته مجموعة كبيرة من القطط وقيل ان سبب حرص القطط علي التجمع حول قلايته هو بساطته وحرصه علي اطعام القطط اللحم في حين يتناول هو الخبز الجاف.

وتحرص كل الرحلات التي تزور دير الانبا بولا علي أخذ بركة ابونا فانوس وبسبب ظروفه الصعبة فقد خصص الدير راهباً مرافقاً لخدمته، ونظرا لمكانته الروحية فقد رافقه الانبا دانيال رئيس الدير في رحلته العلاجية الاخيرة وظل يجلس معه طوال فترة اقامته في المستشفي والانبا دانيال ينادي علي ابونا فانوس قائلا (ياسيدنا) تقديرا لمكانته الروحية رغم انه لا يحمل اية درجة كهنوتية.
ومعظم زوار ابونا فانوس في المستشفي كانوا من سكان منطقة مصر الجديدة الذين حرصوا علي التوافد بمجموعات كثيرة لنوال البركة ومعظم الزوار كانوا يقبلون يديه والبعض الآخر كان يقبل كتبه وعندما حاولت احدي السيدات تقبيل كتفه صرخ!! فاضطر الرهبان المرافقين لابعاد السيدة خارج الحجرة.
وفي مساء احدي الايام بينما كانت الناس تتزاحم حول غرفته في مستشفي الحياة أدرك ابونا فانوس بالروح ان هناك سيدة علي الباب تصرخ من شدة الألم فحدد للرهبان شكلها وطالبهم بأن يحضروها لكي يصلي لاجلها وقد وعدها بالشفاء!!
كلير كمال و مارلين شكرى

******************************

وقاتلت إحدى الزائرات : انا بحب اابونا فانوس وسلمت عليه كتير اوي ، ومرة من المرات مسك موبايلي وكانت ايديه فيها زيت اوي والموبايل اتملا زيت من مطرح ايدو وقعد يقفل ويفتح ف الكاميرا الخلفية ويدوس على كل الزراير وكان شكلو عسل اوي زي الطفل الصغير اللي بيلعب بحاجة فايدوو وبعدين سألني اذا كان في ترانيم ونا كنت مسجلة ترنيمة بصوتي وقعد يسمعها للاخر كل الناس كانت عمالة تكلمو وتطلب منو حاجات وهو مش سامع اي حد سامع الترنيمة بس لدرجة ان الناس كمان كلها سكتت وقعدت تسمع الترنيمة هي كمان عشان عايزة تتكلم معاه فمكانش ادامهم غير كدة,,,,,,,,!! ولما خلصت الترنيمة قعد يقولي جدعة وكنت مبسوطة اوي اوي وكل اللقاء دة متسجل فيديو ولحد دلوقتي بحب اتفرج عليه ابونا فانوووووووووس عسل اوي وبركة كبيرة

********************

طبعا عارفين ابونا القديس ابونا فانوس صحيح لما نقول سبحوا الله فى جميع قدسيه
صفوت شاب بعيد عن الكنيسة كان ليه اب راهب قريب العيلة فى دير الانبا بولا بالعفية ابونا اقنعه انه يعمل خلوة فى دير الانبا بولا المهم راح 4 ايام وفى اليوم الاخير حب يحضر التسبحة صفوت : ابونا اليشع نفسى احضر التسبحة فى حاجة كده مخليانى عاوز احضر
ابونا اليشع : كويس طيب انا هجبلك كشاف تمشى بيه بالليل وانت رايح التسبحة راح ابونا وجاب الكشاف
ابونا اليشع : يوه!!!!؟ الكشاف شكله بايظ وما فيش فيه بطارية؟؟؟؟ حاول تصلحه وانا هجبلك البطارية
ابونا : مش نفسك تسلم على ابونا فانوس .. صفوت : وايه يعنى ؟؟؟عادى .. ابونااليشع : بس تعالى .. وفعلا راحوا قلاية ابونا فانوس ابونا فانوس بركة وبسيط  .. ابونا اليشع : سلام يا ابونا فانوس انا معايا ضيف من مصر ويريت قدسك تصليله .. ابونا فانوس : ضيف!!!!!؟
 ابونا اليشع : ايوة من مصر وجاى خلوة .. ابونا فانوس : وايه اللى فى يدك ده يا صفوت .. صفوت سمع اسمه اتسمر مكانه!!!!؟؟؟ ازى عرفه اسمه؟؟؟؟ صفوت : ده كشاف ابونا اليشع ادهونى علشان امشى بيه الليل من المبيت الى التسبحة بس الكشاف بايظ و ما فيش فيه حجارة (بطارية)
ابونا فانوس : اه اه هات ورينى .. مسك ابونا فانوس الكشاف .. مش ممكن .. ايه ده يا رب .. راح الكشاف نور .. صفوت اترعب .. ازى الكشاف البايظ ينور .. وطبعا ابونا اليشع عارف كويس بركة ابونا فانوس وعارف كويس ان ربنا هيشتغل مع صفوت .. ربى والهى يسوع المسيح اشكر يا رب على كل قدسيك اشكرك لانك تسمح بان قدسيك المتشابهين بالملائكة معنا على هذة الارض .. ازاى يا رب انا حارم نفسى منك ومن قدسك
؟؟؟؟؟؟؟؟؟ حقا يا رب اسبحك فى قدسيك لك كل مجد وكرامة امين

*******************

والصورة المقابلة لـ  فيلم عن قصة حياة ابونا فانوس

*******************