January 23, 2019, كتب: رامى كامل
عادل زكى نعمان راجل عنده اعاقة و طلعله كارنيه من محافظة القليوبية قرر بالتعاون مع اولاده يفتح كافيه يعمل دخل للاسرة و بالفعل اجر محل دورين “٢٥٠ متر تقريبا” فى شارع العشرين بعين شمس مقابل “١٥٠ الف جنيه” مقدم و ايجار شهرى “25الف جنيه” و توضيب المحل اتكلف رقم ضخم لازال مديون به.
بعد ما المكان اشتغل و اترخص بكام شهر صاحب البيت “محامى مسلم” و بدون اى مقدمات بعت البلطجية اللى فى الفيديوهات دول و كسروا المحل و ضربوا العمال.
عم عادل راح قسم عين شمس يوم ١٩ ديسمبر ٢٠١٨ نفس يوم الاعتداء و هناك بدأ الجزء التانى من القصة.
الظابط رفض يعمل محضر و عم عادل طلع لرئيس المباحث و رفض يعمله المحضر برضه و قاله معندناش محاضر بتتعمل هنا فيها مسيحى و مسلم.
عم عادل طلع عالنيابة فى مصر الجديدة بعد المحاولة مع القسم اكتر من ١٥ يوم عشان يثبت حقه و القسم رافض و بيبلغوا المحامى المسلم بكل حاجة.
بعد عمل محضر النيابة بكام ساعة قام المحامى المسلم بتغيير اقفال المحل.
راح عم عادل عالقسم تانى عشان يثبت حالة و القسم رفض يثبتله الحالة و كان معاه اتنين صحفيين متضامنين معاه و بعد ضغوط تم عمل محضر اثبات الحالة.
بعد محضر اثبات الحالة بساعات المحامى المسلم فتح المحل و اخد كل محتوياته “عدة المحل بمئات الالف” وهنا ثبت للجميع ان القسم بيبلغ المحامى مالك المحل.
راح عم عادل على القسم تانى يطلب عمل محضر بسرقة حاجته رئيس المباحث قالهاله صريحة “مش هعمل محضر طائفى و احنا عندنا اوامر من امن الدولة مفيش محاضر تتعمل لاى اعتداء طائفى… روح حل موضوع ودى” طبعا رئيس المباحث يقصد جلسة عرفية.
لازال حتى لحظتنا دى عم عادل متهجر من محل اكل عيشه و قسم عين شمس بيمارس التمييز الدينى بوضوح و الحقوق مهدرة و مطلوب يتعمل جلسة عرفية بين مجنى عليه اتسلب منه كل شئ و جانى اخد كل شئ.
يا سادة اللى بيحصل ده فى عين شمس فى قلب القاهرة بيتم اهدار القانون و الحق و التمييز الدينى و الترويع و البلطجة و التقصير الامنى.
نشر على حساب رامى كامل

قصة تهجير قبطى من محل عمله بعين شمس.

كاهن من بنى سويف ينشر قصة تكفيره والاعتداء عليه بسبب شرب نجله كوب ماء فى سيارته مسيحو مصر - 30 مايو, 2019 نشر كاهن من ايبراشية بنى سويف يدعى ابونا غطاس على صفحته الشخصية على التواصل الاجتماعى قصة تعرضه ونجله للضرب على حدود مدينة ١٥ مايو أثر رؤية أحد الاشخاص نجله يشرب كوب فى سيارته فقام بسب واتهامه بالكفر والاعتداء عليهم هذا وقد أصر الكاهن على تحرير محضر بالواقعة فى كمين ١٥ مايو ولم يتم القبض على الجانى حتى اللحظةوقد اثبت الكاهن ان الجانى اشهر فى وجههم سلاح ابيض ونشر الكاهن ايضا سيارة الجانى ورقمها