Encyclopedia - أنسكلوبيديا 

  موسوعة تاريخ أقباط مصر - Coptic history

بقلم عزت اندراوس

معجزات البابا كيرلس السادس ج 2

ذا كنت تريد أن تطلع على المزيد أو أن تعد بحثا اذهب إلى صفحة الفهرس هناك تفاصيل كاملة لباقى الموضوعات

أنقر هنا على دليل صفحات الفهارس فى الموقع http://www.coptichistory.org/new_page_1994.htm

---------------------------------------------------------------------------------------------------------------------------

ملاحظة : لا يمكن حصر المعجزات التى حدثت بشفاعة البابا كيرلس السادس أنه أمر عجيب حقاً لقد حدثت لى معجزة أن لى شخصياً ولهذا أضع عدداً بسيطاً من معجزاته ولكن قد وصلت عدد الكتب التى صدرت عن معجزاته فوق 24 كتابا بعضها وهو حى والبعض الاخر بعد أنتقاله , بعضها فى مصر والاخر فى الخارج وبعضها للمسلمين وأخرى للمسيحيين أنه لشئ عجيب حقاً

------------------------------------------------------------------------------------------------------------------------------------

Home
Up
معجزات البابا كيرلس2
معجزات البابا كيرلس3
معجزات البابا كيرلس5
معجزات البابا كيرلس6
معجزات البابا كيرلس12

 

الأقباط متحدون
هدى زكريا
19/1/2009
الأنبا مرقص:
المعجزات تحدث لأي إنسان حتى لو ملحد
الكنيسة تؤمن بالمعجزات وليس الغيبيات
التقت "الأقباط متحدون" مع أمل لتقص لنا قصة شفائها فبدأت قائلة "إنها كانت تعاني من الآلام في الصدر وبعد الكشف أتضح أن الألم نتيجة ضيق في الشريان التاجي والمطلوب تغيير صمام في القلب.. مما أدى إلى صدمة للأسرة بأكملها ونتيجة للحالة المتدهورة قام زوجها يوم الاثنين لتحديد ميعاد لعرضها على دكتور بالقاهرة يوم الجمعة ،وهي أول جمعة بعد عودة البابا شنودة من رحلة العلاج.
يوم الاثنين الساعة 4 صباحاًَ كانت نائمة فجاء لها البابا كيرلس في حلم فقالت له (هتشفيني يا سيدنا ولا هتاخد روحي) راح سابها ومشي فجريت ورآه بصراخها العالي يا بابا كيرلس يا بابا كيرلس.... ولكنه تركها ومضى وقد استيقظت الأسرة جراء صراخها وقالوها دي تهيؤات، جاء يوم الأربع وقد أعدت حقيبتها مع زوجها للسفر للقاهرة للعلاج وقالت أمل "لقد تمنيت الموت فعلاًَ" وجاء العصر وكانت تستمع إلى عظة قداسة البابا شنودة عن (حنو الله) وهي العظة الأولى بعد رجوع قداسة البابا من رحلة العلاج في أمريكا...... وكانت تسمع العظة مع بعض أقاربها فقالت في سرها (يا بابا شنودة أنت بتتكلم عن حنو الله حن عليا واشفيني أنت مادام البابا كيرلس مش راضي يشفيني) وبعد رحيل الأقارب دخلت غرفة الصالون في بكاء وصلاة شديدة ولم تحظى بالنوم نهائياًَ من شدة التعب حتى جاءت الساعة 2,30 صباحاًَ فتركها زوجها وأولادها لتنام.
الساعة 4 فجراًَ جاء شخص يضع يده على كتفها ليوقظها من نومها فاعتقدت أنه زوجها عاطف ولكن الذي لفت انتباهها أن ملابسه صفراء وإذ به البابا كيرلس بملابسه الذهبية وفي يده العصا التي على شكل الحية النحاسية وبجواره السيدة العذراء في شكل التجلي. فصرخت أمل بعتاب "لماذا لا تريد أن تشفيني؟" فقال البابا كيرلس "فين المنطقة اللي وجعاكي" فأشارت عليها فضربها بالعصا على منطقة الأم .
ولكنها اعتقدت أن البابا كيرلس ضربها على أعلى صدرها ولم يشفيها فصرخت بصوت عالي أيقظ كل أسرتها فقالت البابا كيرلس جاء مع السيدة العذراء ومش راضي يشفيني وقصت عليهم القصة فقال زوجها "أين ضربك البابا كيرلس" وعندما رأى مكان الضرب إذ به صليب محفور فأخذها عاطف زوجها لغرفة الصالون لعمل تمجيد ومطانيات وأثناء التمجيد والمطانيات دون تعب من أمل نهائياًَ بعدما كانت لا تستطيع الحركة من الآلام وابتدأت صورة البابا كيرلس والسيدة العذراء بتنزيل زيت ذات رائحة عطرة لتتم المعجزة وبدأ الصليب أعلى صدرها يظهر بوضوح وقامت بتجميع الزيت في زجاجة صغيرة.
واتصلوا بالأنبا كيرلس أسقف نجع حمادي ليخبروه بالمعجزة ويستأذنوه عما إذا كانت تسافر يوم الجمعة للعلاج أم لا.... فرد قائلاًَ (متسفريش اعملي إعادة تقرير لحالتك الصحية الأول) وفعلاًَ ذهبت للدكتور لعمل إعادة تقرير الذي صدم من عدم وجود أي شيء في القلب نهائياً.
والزيت الذي خرج من صورة البابا كيرلس والسيدة العذراء كان سبب في شفاء كثيرين ومنهم سيدة عندها سرطان وعندما سمعت بقصة أمل أرسلت إليها تترجاها بإعطائها بركة من الصورة فأعطتها أمل جزء من قماشه نزل عليها زيت الصورة فأخذتها السيدة وعن إيمان شديد بلعتها لتذهب لغرفة العمليات بعدها ليكتشف الأطباء إنه لا يوجد سرطان عندها.
ابونا مينا المتوحد (البابا كيرلس) يعرف اسمة اكثر منة .....
يروى ابونا / يوانس كمال
البابا وهو راهب قبل الرسامة كان اسمة ابونا مينا المتوحد فى يوم من الايام كان فى قرية الزورة وهى تتبع مغاغة محافظة المنيا وتتبع دير الانبا صموئيل المعترف وكان ابونا مينا المتوحد هو المسئول عن تعمير الدير فى هذا الوقت وكان ماشى فى الشارع فى مرة ولقى واحدة بتنده علية يا ابونا مينا يا ابونا مينا قالها ايوة ياست عايزة اية قالت له انت رايح الدير امتى قالها بعد بكرة قالت له انا عاملة عيش شمسى تاخد اد اية للاباء علشان ياكلوا قالها ومالوه يا ست دخلت الست وعبيت يجى حوالى خمسة عشر رغيف كبار ووضعتهم فى شوال واديتهم لابونا مينا اخدهم منها وشالهم ورفعهم على كتفة ومسكهم بايد ومسك عصايته بايد ومشى شافه شاب كان ماشى قالك عنك يا ابونا اشيل اخد بركة قالة اتعبك يا ابنى قالة لا يا ابونا ناخد بركة اخد الشاب الشوال وشالة على كتفة ومشى جنب ابونا شوية وطبطب ابونا على كتفة وقالة تعبناك يا اخ ميخائيل قالة لا يا ابونا انا ابنك نشات قالة طيب يا حبيب ابوك شوية وقالة ابونا معلش يا ميخائيل احنا قربنا نوصل قالة لا يا ابونا انا اسمى نشات ... نشات يا ابونا قالة طيب شوية وقالة خلاص يا ميخائيل احنا قربنا على الكنيسة قالة لا لا يا ابونا نشات نشات قالة طيب يا حبيبى ما تزعلش المهم اول ما وصلوا قالة اقعد استريح يا ميخائيل اعملك كوباية شاى المهم الشاب زهق فسكت دخل ابونا مينا المتوحد عمل كوباية الشاى ورجع وقالة اتفضل يا ميخائيل اشرب الشاى قالة الشاب هى اية الحكاية يا ابونا مصر على اسم ميخائيل قالة يا ابنى ناخد بركة ربنا يعوضك يا اخ ميخائيل . مشى نشات وبعد 6 او 7 سنوات راح يترهبن فراح دير البراموس وكان رايس دير البراموس الانبا ارسانيوس مطران المنيا فاول ما راح قالة يا سيدنا انا جاى اترهبن ومش هرجع العالم تانى رد علية وقالة اهلا بيك طيب وطى راسك راح قال سيدنا ميخائيل .... تلميذ رهبنة فى دير البراموس راح معيط قالة بتعيط لية رد علية وقالة الاسم دة انا عرفتة من 7 سنين قالة ازاى راح حكالة حكايتة مع ابونا مينا المتوحد وميخائيل هو ابونا ميخائيل البراموسى وموجود حاليا فى المانيا وكل ما حد يندهلة يا ابونا ميخائيل يفتكر ابونا مينا المتوحد ( البابا كيرلس ) وهو بيقولة يا اخ ميخائيل
وصدق ولابد ان تصدق
يحكي أبونا رافائيل :
كنت لما أروح أجيب تونية البابا من الدولاب الخاص بيه
كنت ألمح صورتين، بس مش مفسر إيه اللي فيهم بالظبط
لأن هيبة البابا كانت بتخليني أدخل أوضته بكل خشوع
وفضلت مدة طويلة ... لغاية ما قداسة البابا ناداني وحس إني عايز أعرف فيهم إيه ... وقالي: "روح يا ابني هاتلي الصورتين من الدولاب"
فجيبتهم له، وقالي: "مين ده؟" ... فركزت فيهم ولقيتهم شبهه، واستغربت إنه شعره باين فيهم لأنه ماكانش بيبان ... فقالي: "هأحكيلك قصتهم يابني" ..
زمان جالي واحد مصور صديقي، في اليوم اللي قبل الرسامة، وقالي:
"أنا عايز أخدلك كم صورة يا سيدنا عشان بكرة الدنيا هتكون زحمة"
فصورني كذا صورة عشان الجرايد ... وفي الآخر حبيت أديله ظرف فيه فلوس عشان تعبه معايا ودا أكل عيشه ... فقالي: "لا يا سيدنا أنا عايز طلب تاني" فسألته: "عايز إيه يا ابني" ... فقالي: "نفسي أصورك من غير الشال" فرفضت طبعاً وقولتله: "مش هينفع يابني" بس فضل يلح عليا ... فوافقت بشرط إنه مايعرضهمش إلا بعد نياحتي ...
ويحكي أبونا رافائيل: أنه بعد النياحة كانوا صورتين ... واحدة منظر من الجنب والتانية منظر أمامي ... واحدة منهم اتعرضت في المزار والتانية أخدها إمبراطور أثيوبيا "هيلاسلاسي" اللي لما شافها فضل يحضنها ويبكي لأنه كان حبيبه، وكان أول مرة يشوفه من غير الشال
بركة شفاعته تكون معنا، آمين
ظابط يتهم البابا بالجهل !!
فى بداية حبرية البابا كيرلس اول ما اترسم بطرك كان ناس كتيرة معترضة عليه !!!! و ناس كتيرة كانت بتقول : مين الراهب مينا المتوحد ده اللى بقى بابا للكنيسة !!!
مرة واحد ظابط مسيحى كان حاضر العشية فى المرقسية الازبكية و هو واقف فى الكنيسة قال كده فى باله : مين البطرك الجاهل ده اللى ماسك امور الكنيسة !!!!! هى الدنيا ضاقت اوى بيهم فى الكنيسة علشان يرسموا بطرك جاهل !!!!
المهم البابا كيرلس و هو بيلف بالشورية فى الكنيسة فى دورة بخور عشية .. و هو بيلف يبخر وقف عند الظابط ده و قرب الشورية على وش ال راجل ده ... ف الراجل رجع لورا كده شوية
قاله البابا كيرلس : جرى ايه يا حضرت الظابط ... فيه واحد برضه زيك يخاف من واحد جاهل !!!!!
طبعا الراجل اتصدم و اعتذر لسيدنا و قاله سامحنى يا سيدنا انا اخطئت و وضع البابا كيرلس الصليب على راسه و قاله ربنا معاك يابنى و اتغيرت حياة الراجل بسبب الموقف ده
+ العمق الروحى فى حياة البابا كيرلس يحير العقول
البابا كيرلس وهو راهب قبل الرسامة كان اسمة ابونا مينا المتوحد
فى يوم من الايام كان فى قرية الزورة وهى تتبع مغاغة محافظة المنيا وتتبع دير الانبا صموئيل المعترف ، وكان ابونا مينا المتوحد هو المسئول عن تعمير الدير فى هذا الوقت ،
وكان ماشى فى الشارع فى مرة ،
ولقى واحدة بتنده علية يا ابونا مينا يا ابونا مينا ،
قاله لها ايوة ياست ، عايزة اية قالت له انت رايح الدير امتى ،
قال لها بعد بكره ،
قالت له انا عاملة عيش شمسى تاخد اد اية للاباء علشان ياكلوا
قاله لها ومالوه يا ست
دخلت الست وملأت يجى حوالى خمسة عشر رغيف كبار ووضعتهم فى شوال واديتهم لابونا مينا .
اخدهم منها ، وشالهم ورفعهم على كتفة ، ومسكهم بايد ومسك عصايته بايد ، ومشى .
شافه شاب كان ماشى قال له : عنك يا ابونا اشيل اخد بركة ،
قال له اتعبك يا ابنى .
قال له : لا يا ابونا ناخد بركة ،
اخد الشاب الشوال وشاله على كتفة ومشى جنب ابونا ،
شويه وطبطب ابونا على كتفة وقالة تعبناك يا اخ ميخائيل ،
قال له : لا يا ابونا انا ابنك نشات .
قال له : طيب يا حبيب ابوك شوية ، وقال له ابونا : معلش يا ميخائيل احنا قربنا نوصل .
قال له : لا يا ابونا انا اسمى نشات . نشات يا ابونا
قال له : طيب
شوية وقال له خلاص يا ميخائيل احنا قربنا على الكنيسة
قال له : لا لا يا ابونا نشات نشات
قال له : طيب يا حبيبى ما تزعلش
المهم اول ما وصلوا قال له : اقعد استريح يا ميخائيل اعملك كوباية شاى ،
المهم الشاب زهق فسكت .
دخل ابونا مينا المتوحد عمل كوباية الشاى ،
ورجع وقال له اتفضل يا ميخائيل اشرب الشاى .
قال له الشاب : هى اية الحكاية يا ابونا مصر على اسم ميخائيل .
قالة : يا ابنى ناخد بركة ربنا يعوضك يا اخ ميخائيل .
مشى نشات وبعد 6 او 7 سنوات راح يترهبن ،
فراح دير البراموس ،
وكان رئيس دير البراموس الانبا ارسانيوس مطران المنيا،
فاول ما راح قال له : يا سيدنا انا جاى اترهبن ومش هرجع العالم تانى .
رد علية وقال له : اهلا بيك ، وطى راسك ، راح قال سيدنا
ميخائيل تلميذ رهبنة فى دير البراموس .
راح بكي ،
قال له : بتبكي ليه ،
رد علية وقال له : الاسم دة انا عرفتة من 7 سنين ،
قال له ازاى ،
راح حكي له حكايته مع ابونا مينا المتوحد .
وصار الأخ ميخائيل بعد ذلك ابونا ميخائيل البراموسى وهو حاليا نيافة الأنبا ميشائيل أسقف ورئيس دير الانبا انطونيوس بفرانكفورت ألمانيا.
وكل ما حد ينادي عليه يا ابونا ميخائيل ، يفتكر ابونا مينا المتوحد ( البابا كيرلس ) وهو بيقول له يا اخ ميخائيل
بركة صلوات وشفاعة حبيبي البابا كيرلس تشملنا جميعا
امين

This site was last updated 03/13/18